- Məncə, iradə zamanla güclənə bilər. Xarakter isə insanın əsasını təşkil edir. Əgər daxili dayaq yoxdursa, əldə olunan uğur uzunmüddətli olmur.

Erkən yaşlarda anladığım bir həqiqət var idi: insan ilk növbədə özü üçün etibarlı olmalıdır. Özünə verdiyi sözə sadiq olmayan biri başqasına da etibar aşılayamaz.

- Həmin illər mənə əməyin real dəyərini öyrətdi. Hər şeyin zəhmətlə formalaşdığını dərk etmək insanı qərarlarında daha ehtiyatlı və məsuliyyətli edir.

Bu yol sürətlə deyil, mərhələli şəkildə inkişaf etdi. Sadə başlangıc, səbir və ardıcıl qərarlar zamanla dəyişməyən prinsiplərə çevrildi. Mən sürəti heç vaxt inkişafın əsas göstəricisi hesab etməmişəm. Mənim üçün möhkəm təməl üzərində qalmaq böyüməkdən daha önəmli olub.

- Ən çox məsuliyyəti. Bu illərin arxasında layihələrdən əvvəl insanlar dayanır: ilk ustalar, ilk komanda, birlikdə keçilən çətin mərhələlər. Zamanla aydın olur ki, dəyər tikilən binalarla ölçülmür. Əsl dəyər verilən sözə göstərilən sədaqətlə formalaşır.

İnsanların ehtiyaclarını anlamaq, bazardan əvvəl həyatı oxumaq bu yolun əsasını təşkil edib. Satmaq istəyi tez yaranır. Anlamaq isə zaman və diqqət tələb edir. Mən həmişə ikinci yanaşmanı seçmişəm.

- Bəli. "Mənim iştirakım olmadan bu işlər öz yolunda davam edəcəkmi?" Əgər cavab mənfi idisə, deməli, hələ sistem qurulmamışdı. Mənim üçün sahibkarlığın ən mühüm mərhələlərindən biri insanın özündən asılı olmayan sistem yaratmağı öyrənməsidir.

- Düzgün planlama və operativlik. Planlama gələcəyi öncədən görmək cəhdidir — riskləri ölçmək, mərhələləri müəyyənləşdirmək və ehtiyatlı davranmaqdır.

Operativlik isə dəyişən reallığı vaxtında oxumaq bacarığıdır. Operativlik tələskənlik deyil. O, hazırlığın praktik ifadəsidir. Plansız operativlik xaosa aparır. Operativliksiz planlama ise nəzəriyyədə qalır.

- Bu, sadəcə nəticə deyil. Bu, doğru sualların zamanla verdiyi cavabdır. Minera mənim üçün biznes modeli yox, uzunmüddətli yol anlayışıdır.

- Liderlik hamıdan öndə getmək deyil. Doğru istiqaməti görmək və qərarın məsuliyyətini üzərinə götürməkdir. Mən rəhbərin hər şeyi bilməli olduğuna inanmıram. Amma düzgün insanı seçməyi, onun fikrini eşitməyi və son qərarın məsuliyyətini daşımağı bacarmalıdır.

- Rəqəmlərə, təcrübəyə və insan faktoruna. Rəqəm vəziyyəti göstərir. Təcrübə onun səbəbini anlamağa kömək edir. İnsan faktoru isə qərarın nəticəsini müəyyən edir.

- Səyahət bizə dünyanı görməyi deyil, öz evimizə başqa gözlə baxmağı öyrədir. Avropa şəhərlərinin memarlığına, Asiya limanlarının logistikasına baxıb Bakıya qayıdanda başa düşürəm: hələ çox böyüməliyik. Kitablar isə mənim düşüncə diapazonumu genişləndirir.